सम्मान खबर
गृह पृष्ठ राजनीती समाचार

साइकल खरिदमा १० करोड ३३ लाख भ्रष्टाचार, प्रदेश सचिव भुसालसहित ८ जनाविरुद्ध मुद्दा

काठमाडौँ ।अख्तियार दुरुपयोग अनुसन्धान आयोगले मधेस प्रदेश सरकारको ‘बेटी पढाऊ, बेटी बचाऊ’ कार्यक्रमअन्तर्गत साइकल खरिदमा १० करोड ३३ लाखभन्दा बढी अनियमितता भएको ठहर गर्दै मुख्यमन्त्री तथा मन्त्रिपरिषद् कार्यालयका तत्कालीन प्रदेश सचिव यामप्रसाद भुसालसहित ८ जना विरुद्ध विशेष अदातलमा मुद्दा दायर गरेको छ ।

सम्झौताविपरीतका ब्रान्ड नखुलेका कमसल लेडिज साइकल आपूर्ति गरी १० करोड ३३ लाख ७५८ नोक्सान पुर्‍याएको भन्दै अख्तियारले प्रदेश सचिव भुसाल, सीडीई भगवान झा, सहलेखापाल राजाराम मण्डल, भण्डार जिन्सी शाखा प्रमुख राम स्वार्थ महतो, भण्डार शाखाका खरिदार जित मोहनकुमार दास, ओम सत्य साई प्रा.लि. वीरगन्ज, पर्सा र संस्थाका प्रबन्ध निर्देशक रेनु अग्रवालविरुद्ध बुधबार भ्रष्टाचार मुद्दा दायर गरेको छ ।

त्यस्तै बोलपत्र मूल्यांकन समितिका अध्यक्ष रहेका उपसचिव दिलीपकुमार प्रधान, सदस्यसचिव सुरेन्द्रकुमार कर्ण, सदस्यहरु सीडीई झा, सहलेखापाल मण्डललाई पनि मुद्दा लगाइएको छ । सीडीई झा, सहलेखापाल मण्डललाई दोहोरो अभियोग लागेको हो ।

Related posts

हमासको नियन्त्रणमा रहेका जोशीको उद्धारका लागि कतारमार्फत सरकारले पहल गर्नुपर्छः महामन्त्री शर्मा

samman khabar

यस्तो छ ‘प्रेमगीत ३’ को हिन्दी ट्रेलर

samman khabar

इन्द्रजात्रा विश्वव्यापी रुपमा चिनाउने मेयर बालेनको योजना

samman khabar

Leave a Comment