सम्मान खबर
गृह पृष्ठ विचार समाचार सम्मान खबर विशेष

कृषिमा क्रान्ति गर्ने रवि लामिछानेको घोषणा

काठमाडौँ । रवि लामिछाने नेतृत्वको राष्ट्रिय स्वतन्त्र पार्टीले आगामी ५ वर्षमा कृषिमा क्रान्ति गर्ने घोषणा गरेको छ । आज घोषणापत्र सार्वजनिक गर्दै रास्वपाले कृषिमा क्रान्ति गर्ने र जन–जनमा समृद्धि अनि शान्ति ल्याउने दाबी गरेको हो ।
यसका लागि आगामी ५ वर्षमा रासायनिक मल कारखाना स्थापना गर्ने देखि कृषि बजारीकरण बोर्ड गठन गर्ने घोषणा लामिछानेको पार्टीले गरेको छ । यस्तै, कृषिलाई आधुनिकीकरण गर्न, बाँझो जग्गा सदुपयोग गर्नका साथै खाद्य सुरक्षा र आत्मनिर्भरता हासिल गर्न कृषि भूमि बैँकको स्थापना गरिने समेत स्वतन्त्र पार्टीले घोषणा गरेको छ ।

रासायनिक मलको आवश्यकता सम्बोधन हुनेगरी वार्षिक ५ लाख टन उत्पादन क्षमताको रासायनिक मल कारखाना स्थापना गर्ने, स्थानीय तहमै जैविक फोहोरको व्यवस्थापन गर्ने गरी प्रत्येक पालिकामा न्यूनतम् एउटा जैविक मल कारखाना स्थापना गर्ने समेत रास्वपाको घोषणा छ ।

यस्तै, ‘एक क्षेत्र, एक बाली, किसानको जीवनमा खुशीयाली’ योजना अन्तर्गत तोकिएको बाली लगाउने किसानको उत्पादनको मुनाफाको ग्यारेन्टी राज्य स्वयंले गर्ने, कृषि योग्य जमिनमा सिञ्चाईको सुविधा पुर्याउन स्थानीय स्तरमा सिञ्चाईको स्रोत खोजी राष्ट्रियस्तरमा नदी पथान्तरणको योजना, नवीन प्रविधिको प्रयोग गर्ने दाबी समेत लामिछानेले जनतासामू गरेका छन् ।

हरेक पालिकामा कम्तीमा एउटा भण्डारण तथा थोक विक्री केन्द्र स्थापना गर्ने, स्थानीय रुपमा उत्पादित अन्न तथा पैदावारहरुमा आधारित उद्योग अनिवार्य स्थापना गरिने जस्ता विषय समेत चुनावी घोषणापत्रमा समेटिएको छ । यस्ता उद्योगहरूले विभिन्न कर छुट, ब्याजरहित कर्जा, अनुदान लगायतका सेवा–सुविधा पाउने बताइएको छ ।

प्रत्येक पालिकामा कृषि र पशु प्राविधिक सहितको सेवा केन्द्रको व्यवस्था गरिने, कृषकहरूलाई आर्थिक तथा प्राकृतिक विपत्तिबाट सुरक्षित राख्न कृषि बिमा र सामाजिक सुरक्षा कोषको व्यवस्था गर्ने लगायतका योजना समेत स्वतन्त्र पार्टीको छ । मित्र राष्ट्रहरूमा सोझै निर्यात गर्ने कृषि उत्पादनहरूको पहिचान, व्यवसायीकरण र प्रमाणीकरण ९अर्गानिक लगायतका० गर्न उच्चस्तरमा कूटनीतिक पाइला चालिने बताइएको छ ।

Related posts

पृथ्वीराजमार्गको डुम्रे-याम्पा खण्ड अवरुद्ध

Balika Shiwakoti

माओवादी घटक दलहरु बीचको एकता आवश्यक : प्रधानमन्त्री

samman khabar

कैलालीको गोदावरीमा एक बालकको शव फेला

Balika Shiwakoti

Leave a Comment